कोशी प्रदेशको मुख्यमन्त्रीमा केदार कार्की नियुक्त भएका छ।
प्रदेश प्रमुख प्रशुराम खपुङ्ले कार्कीलाई संविधानको धारा १६८(५) अन्तरगत मुख्यमन्त्री नियुक्त गरेका हुन् ।
संविधानको धारा १६८(३) अन्तरगत मुख्यमन्त्री भएका एमालेका हिक्मत कार्कीले असोज २० गते मुख्यमन्त्रीबाट राजीनामा दिएका थिए ।
उनले राजीनामा दिएसँगै प्रदेश प्रमुखले संविधानको धारा १६८(५) अन्तरगत सरकार गठनको आव्हान गरेका थिए ।
प्रदेश प्रमुखको आव्हान अनुसार सत्ता गठबन्धनको निर्णय अनुसार माओवादी केन्द्रका ईन्द्र आङ्वो र एमाले र काँग्रेस शेखर कोइराला पक्षका ८ सांसदको समर्थनमा कांग्रेस कै केदार कार्कीले दावी पेस गरेका थिए ।
दुबैको दाबीमा काँग्रेसका ८ सांसदको हस्ताक्षर रहेको भन्दै प्रदेश प्रमुख खपुङले सनाखतका लागी दुवै पक्षलाई आज बिहान बोलाएको थियो ।
कार्कीको समर्थनमा सनाखत दिन काँग्रेस ८ सांसद सहित ४७ सांसद सशरिर उपस्थित भएपछि कार्कीलाई मुख्यमन्त्री नियुक्त गरिएको हो ।
आङ्बो भने आफ्नो दावी नपुग्ने भएपछि उपस्तिथि भएनन् ।
विद्यार्थी राजनीतिबाट कांग्रेसको राजनीतिमा आएका कार्की कोशी प्रदेशको आठौ मुख्यमन्त्रीको रुपमा नियुक्त भएका छन् ।
अघिल्लो प्रदेश सभामा ३ जना मुख्यमन्त्री भएका थिए । कोशी प्रदेशमा पछिल्लो प्रदेश सभाको एक बर्षको अवधिमा ५ औ मुख्यमन्त्री नियुक्त भएका छन् ।
यो अबधिमा २–२ पटक हिक्मत कार्की र उद्धव थापा मुख्यमन्त्री बनेका छन् ।
दुवै पटक मुख्यमन्त्रीमा नियुक्त भएका काङ्ग्रेसका उद्धव थापालाई भने अदालतले बरखास्त गरेको थियो ।
